Volkswagen Group Components компанияси 2019 йилдан буён мустақил бизнес бирлиги ҳисобланади ва концерн аккумуятор тизимига ҳам жавоб беради. Бундан ташқари, шўъба корхона батареяларни қайта ишлашга ҳам масъул бўлиб, бу каби биринчи завод яқинда Германиянинг Зальцгиттер шаҳрида очилди, деб хабар беради Motor.
Корхона ҳозирча тест режимида ишламоқда, шу сабабли режалаштирилган иш ҳажми у қадар юқори эмас. Завод бир йилда 3600 га яқин батарея тизимларини қайта ишлаши мумкин, бу 1500 тоннага эквивалент ҳисобланади. Таҳлилчиларнинг ҳисоб-китобларига кўра, хизматини ўтаб бўлган аккумуляторлар сонининг ошишини камида ҳозирги ўн йиллик охирига қадар кутмаслик керак, шу сабабли Volkswagen’да бошқа жараёнларни оптималлаштириш ва линияларни кенгайиришга ҳали вақт бор. Бу ерда инновацион циклдан фойдаланиши ҳам мумкин. У карбонат ангидрид гази тарқалиш даражасини камайтиради ва истиқболда қайта ишлаш даражасини 90 фоизга ошириш имконини беради.
Қайта ишланиши керак бўлган ҳар бир батареянинг оғирлиги 400 килограммга яқин. Завод MEB (Volkswagen ID.3) ва PPE (келажакдаги Porsche Macan EV), шунингдек, гибрид платформалардаги электромобилларнинг литий-ионли бўлмалари билан ишлайди. Ҳозирча корхона синов машиналарининг аккумуляторларини қайта ишламоқда.
Зальцгиттер батареялар энергия сарфланиб эритилмайди, аввалига улар тўлиқ қувватсизлантирлади ва қисмларга ажратилади. Алоҳида элементлар гранулаларга майдаланиб, қуритилади. Шу орқали яна фойдаланиш мумкин бўлган алюминий, мис ва пластик олинади. Айнан ушбу жараён литий, никел, марганец, кобальт ва графит бўлган қимматли «қора кукунни» беради. Уларни ажратиб олиш ва қайта ишлашда гидрометаллургия усулидан фойдаланилади, хусусан, махсус сувли эритмалар қўл келади. Олинган хом ашёдан яна ишлаб чиқаришда фойдаланилади. Дастлабки ҳисоб-китобларга кўра, қайта ишланган катодларга эга 62 киловатт-соатли ҳар бир батарея ҳавога чиқадиган карбонат ангидрид газини 1,3 тоннага камайтириш имконини беради.
Буларнинг барчаси иқлим нейтраллигига ўтишнинг узоқ муддатли стратегияси ҳисобланади.
Мавзуга доир: Volkswagen Nokia компанияси тақдиридан қочмоқчи
Изоҳ (0)