IIV YHXBB axborot xizmati 2021-yilda O‘zbekiston Davlat yo‘l harakati xavfsizligi xizmati sohasida amalga oshirilishi ko‘zlangan istiqbolli rejalar bilan bo‘lishdi.
Rejalardan biriga ko‘ra, xalqaro ahamiyatdagi avtomobil yo‘llarida orqaga qayrilib olish joylari bo‘yicha maqbul takliflar tayyorlanadi.
“Xalqaro ahamiyatdagi avtomobil yo‘llaridagi orqaga qayrilib olish joylari o‘rganib chiqiladi va natijasiga ko‘ra, lozim deb topilgan qayrilib olish joylarini yer ostidan yoki yer ustidan o‘tkazish bo‘yicha taklif tayyorlanadi va zaruriy choralar ko‘riladi”, — deyiladi xabarda.
Avvalroq O‘zbekistonda yo‘l-transport hodisasini ichki ishlar xodimisiz rasmiylashtirish tartibi belgilanishi kutilayotgani, shuningdek, YPX xodimlarining piyoda xizmat olib borish tizimi bosqichma-bosqich to‘xtatilishi haqida xabar berilgandi.
Izoh (0)