Prezident Shavkat Mirziyoyev 27-yanvar, chorshanba kuni yoshlar uchun ish o‘rinlari yaratish va ularning bo‘sh vaqtini mazmunli tashkil etish masalalari bo‘yicha videoselektor yig‘ilishi o‘tkazadi. Bu haqda “Daryo”ga hukumatdagi manbasi xabar berdi.
Yig‘ilishda ilk bor rasmiy statistikada hisobga olinmagan yoshlar orasidagi ishsizlik ko‘rsatkichlari e’lon qilinishi kutilmoqda.
Shuningdek, yoshlarning biznes tashabbuslarini ro‘yobga chiqarish, subsidiyalar, imtiyozli kreditlar ajratish, kasb-hunarga o‘qitish, “yoshlar daftari” orqali ko‘maklashish kabi davlat tomonidan qo‘llab-quvvatlash choralari muhokama qilinadi.
Eslatib o‘tamiz, 2021-yil Shavkat Mirziyoyev taklifiga binoan Yoshlarni qo‘llab-quvvatlash va aholi salomatligini mustahkamlash yili deb e’lon qilingan.
Izoh (0)