Qarshi shahrida fuqaroni pul evaziga Milliy gvardiya tizimiga ishga kiritib qo‘ymoqchi bo‘lgan shaxsga jinoyat ishi qo‘zg‘atildi. Bu haqda “Daryo”ga Bosh prokuratura matbuot xizmati xabar berdi.
Ma’lum bo‘lishicha, M.T. fuqaro R.S.ning ishonchiga kirib, uni yuqori lavozimda ishlovchi tanishlari orqali Milliy gvardiya tizimiga ishga joylashtirib qo‘yish evaziga 4500 dollar so‘ragan.
Pulni firibgarlik yo‘li bilan olgan vaqtida Departamentning Qarshi shahar bo‘limi tomonidan Qarshi harbiy prokuraturasi va Milliy gvardiya xodimlari bilan hamkorlikda o‘tkazilgan tezkor tadbirda ashyoviy dalil bilan ushlangan.
Holat yuzasidan M.T.ga nisbatan Jinoyat kodeksining 168-moddasi (firibgarlik) 2-qismi va 28,211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Qarshida metall zavodiga ishga kiritib qo‘yish uchun 80 000 dollar so‘ragan shaxs qo‘lga olingani haqida xabar berilgan edi.
Izoh (0)