Gelinjik hududida va unga yondosh tumanlarda Rossiya Federal qo‘riqlov xizmati (FQX) tomonidan qo‘riqlanadigan obyektlar yo‘q. Bu haqda idora “RBK” nashrining so‘roviga javoban ma’lum qildi.
FQX ushbu hududda hech qanday taqiq va cheklovlar joriy qilinmaganini qo‘shimcha qildi.
Shuningdek, Federal xavfsizlik xizmati (FXX) Gelenjik yaqinidagi Idokopas burni atrofidagi joylar Rossiya Transport vazirligining 2020-yil 24-iyuldagi chegara xavfsizligi maqsadlaridagi buyrug‘iga muvofiq uchish taqiqlangan hududga aylantirilganini ma’lum qildi.
“Uchish taqiqlangan hudud deb e’lon qilinishiga bir qator qo‘shni davlatlar, shu jumladan, NATO blokiga kiruvchi mamlakatlarning razvedka faoliyati kuchayishi sabab bo‘ldi”, — deyiladi FXX xabarida.
Idokopas burni atrofida FXXning Krasnodar o‘lkasi bo‘yicha chegara boshqarmasining chegara zastavasi (soqchilar otryadi joylashgan hudud), u 2020-yil oktabrda foydalanishga topshirilgan.
FXX otryad “Rossiya davlar chegarasini himoya qilish, mamlakatning iqtisodiy va boshqa qonuniy manfaatlarini ta’minlash, suv va biologik resurslarni asrash sohasini hamda yuridik va jismoniy shaxslar tomonidan davlat chegarasi va chegara nazorati rejimi qoidalariga rioya qilinishini nazorat qilish” bilan shug‘ullanishini ma’lum qildi. “Bo‘linmaga boshqa vazifalar yuklanmagan”, — deyiladi idora xabarida.
Avvalroq Aleksey Navalniyning Korrupsiyaga qarshi kurash fondi tomonidan e’lon qilingan “Putin uchun qurilgan qasr” surishtiruvida iddao qilinishicha, Gelinjik yaqinidagi Idokopos burnidagi Praskoveyevka qishlog‘ida kamida 100 milliard rubllik qasr joylashgan, u Rossiya prezidenti uchun davlat va xususiy kompaniyalar pullariga qurilgan. Qasr FQX tomonidan qo‘riqlanadi, u yer uchish taqiqlangan hudud, shuningdek, qasrga dengiz tomondan suzib borib ham bo‘lmaydi, deyiladi surishtiruvda.
Keyinroq Rossiya prezidenti Vladimir Putin Korrupsiyaga qarshi kurash fondi (KKF) surishtiruvida tilga olingan Gelinjikdagi qasrga na u, na uning qarindoshlari egalik qilishini bildirdi. “U yerda mening mulkim sifatida ko‘rsatilgan narsalarning hech biri na menga, na mening yaqin qarindoshlarimga tegishli emas va hech qachon tegishli bo‘lmagan. Hech qachon”, — dedi Vladimir Putin.
Izoh (0)