Futbol bo‘yicha Angliya Premyer Ligasining 20-tur uchrashuvlari 26-yanvar, seshanba kuni start oldi.
“Manchester Siti” jamoasi safarda “Vest Bromvich” bilan bahs yuritdi. Mehmonlar birinchi bo‘limdayoq raqib darvozasini to‘rt bor aniq nishonga oldi: Ilkay Gundo‘g‘an dubl qayd etgan bo‘lsa, Joau Kanselu va Mahrez bir martadan raqib darvozasiga yo‘l topdi.
Ikkinchi bo‘lim debyutida Rahim Sterling jamoasining beshinchi golini urdi.
Ushbu g‘alabadan keyin ochkolarini 41 taga yetkazib olgan “Manchester Siti” peshqadamga aylandi va bitta zaxira o‘yiniga ega hamshaharini bir ochkoga ortda qoldirmoqda.
Yana bir o‘yin “Sauthempton” va “Arsenal” jamoalari o‘rtasida kechdi. Avvaliga “avliyolar” 3-daqiqadagi gol evaziga oldinga o‘tib oldi. Ko‘p o‘tmay Nikolya Pepe muvozanatni tikladi. 39-daqiqada Bukayo Saka londonliklarning ikkinchi golini urdi.
Ikkinchi bo‘limda ham har ikki jamoada bir qancha imkoniyatlar yuzaga keldi. 72-daqiqada Aleksander Lyakazett uchrashuvdagi so‘nggi golni urdi — 1:3. Bu g‘alaba orqali “kanonirlar” 30 ochko bilan 8-pog‘onaga ko‘tarildi.
APL
20-tur bahslari
26-yanvar, seshanba
“Vest Bromvich” — “Manchester Siti” 0:5
Gollar: 0:1 – 6 Gundo‘g‘an, 0:2 – 20 Joau Kanselu, 0:3 – 30 Gyundo‘g‘an, 0:4 – 45 Mahrez, 0:5 – 57 Sterling.“Vest Bromvich”: Jonston, Ajayi, Ferlong, O`Shi, Gibbs, Snodgrass (Fillips, 59), Livermor, Mateus Pereyra, Soyers, Robinson (Bartli, 46), Grant (Robson-Kanu, 64).
“Manchester Siti”: Ederson, Stounz, Ruben Diash, Joau Kanselu, Zinchenko, Foden (Ferran Torres, 52), Gundo‘g‘an (Lyaport, 52), Sterling, Rodri, Mahrez, Bernardu Silva (Gabriel Jezus, 60).
Ogohlantirishlar: Robson-Kanu (84), O`Shi (90).
“Sauthempton” — “Arsenal” 1:3
Gollar: 1:0 – 3 Armstrong, 1:1 – 8 Pepe, 1:2 – 39 Saka, 1:3 – 72 Lyakazett.“Sauthempton”: Makkarti, Valeri, Bednarek, Stivens, Voukins (Redmond, 67), Diallo, Armstrong, Uord-Prouz, Uolkott (Nlundulu, 74), Adams, Ingz (Uotts, 74).
“Arsenal”: Leno, Holding, David Luiz, Soaresh, Belyerin, Jaka, Parti (an-Nenni, 78), Saka, Smit-Rou (Villian, 72), Pepe (Uillok, 90), Lyakazett.
Ogohlantirishlar: Belyerin (19), Pepe (70), Uotts (90).
“Nyukasl” — “Lids” 1:2
Gollar: 0:1 – 17 Rafinya, 1:1 – 57 Almiron, 1:2 – 61 Harrison.“Kristal Pelas” — “Vest Hem” 2:3
Gollar: 1:0 – 3 Zaa, 1:1 – 9 Souchek, 1:2 – 25 Souchek, 1:3 – 65 Douson, 2:3 – 90 Batshuayi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)