Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Tojikistonlik xonanda Shabnam Surayyo ilk bor nabirali bo‘ldi. U yangi mehmonga Abdulmutalim deb ism qo‘ydi.
Munisa Rizayeva muxlislarining o‘zi haqidagi fikri bilan qiziqdi — u obunachilari bilan psixologik test o‘tkazmoqda.
Aktrisa Mavluda Hikmatova yozning so‘nggi kunlarini dengiz bo‘yida xordiq chiqarib o‘tkazyapti.
Xit qo‘shiqlar ijrochisi Hamdam Sobirov YouTube platformasidagi kanalida 1 mln obunachi to‘pladi. Ma’lumot uchun, yaqin kunlarda xonandaning barcha kliplarining jami ko‘rilish soni 5 milliarddan oshgan edi.
Xonanda Ruxshona doim uni tanlaydigan va cheksiz sevadigan erkak — o‘g‘lining tug‘ilgan kuni bilan tabrikladi.
O‘zbekiston xalq artisti Yulduz Usmonova qizi Nilufarga besh farzandning onasi ekani sport bilan shug‘ullanmasligi uchun bahona bo‘lolmasligi aytib, “Mening bitta bolam bor, u sog‘-salomat bo‘lishini xohlayman” deya dakki berdi.
Asqar Hikmatov tez-tez “radar”ga tushadigan san’atkorlardan. U ham barcha jarimalarini to‘plab hazilomuz storis joyladi.
Instabloger Dilbar Zokirova bolalik davridagi suratini obunachilari bilan bo‘lishdi.
Xonanda Dilnoz Hakimova dugonalari uchun qiz bazmi uyushtirdi. Kechada bo‘lajak kuyov ham ishtirok etdi va ular qonuniy nikohdan o‘tdi. Ma’lumot uchun, xonandaning nikoh oqshomi 13-sentyabrda bo‘lib o‘tadi.
Izoh (0)