O‘rta vazn toifasi vakillari Robert Uittaker (22-5) va Paulo Kosta (13-1) ishtirokidagi jang 17-aprel kuni bo‘lib o‘tadigan UFC Fight Night musobaqasining asosiy voqeasi bo‘ladi, deya xabar qilmoqda BJ Penn.
30 yoshli Uittaker va 29 yoshli Kosta ishtirokidagi besh raundlik jang kamar uchun kechmaydi. Bu shundan dalolat beradiki, garchi mazkur divizion chempioni Israel Adesanya (20-0) yarimog‘ir vazn chempioni Yan Blaxovich bilan jang qilish arafasida turgan bo‘lsa-da, hech qanday vaqtinchalik yoki vakant kamar uchun jang o‘tkazilmaydi.
Avvalroq braziliyalik yakkakurashchining jamoasi bu jang chempionlik kamari uchun kechishi kerakligini taklif qilgandi. Biroq UFC buni rad etgan ko‘rinadi.
Ta’kidlanishicha, jangni o‘tkazish uchun asosiy da’vogar Las-Vegas (AQSh) shahri bo‘lib turibdi.
Ma’lumot uchun, Uittaker UFC o‘rta vazn toifasi chempionlik kamari uchun birinchi raqamli da’vogar hisoblanadi. Kosta esa divizion reytingida ikkinchi o‘rinda bormoqda. Biroq ularning ikkisi ham chempion Adesanyaga yutqazgan.
Eslatib o‘tamiz, mazkur vazn toifasida o‘zbekistonlik yakkakurashchi Mahmud Murodov (25-6) qatnashadi. Murodov UFC 257 musobaqasida amerikalik Endryu Sanchesni nokautga uchratdi.
Mahmud Murodov va Endryu Sanches o‘rtasidagi jangni bu yerda tomosha qilish mumkin — video.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)