2021-yilning boshidanoq Netflix platformasida “Lyupen” serialining premyerasi alohida ajralib turishi bilan birga, hayratlanarli ko‘rishlar sonini ham yig‘moqda, deb yozadi “Korrespondent.net”.
Omar Si bosh rolni ijro etgan fransuz filmi dastlabki 28 kun ichida platformada 70 milliondan ortiq tomosha qilindi. Serial namoyishi 2021-yilning 8-yanvarida boshlangan bo‘lib, Netflix’ning Braziliya, Vyetnam, Argentina, Germaniya, Italiya, Ispaniya, Polsha, Niderlandiya, Shvetsiya va Filippindagi eng yaxshi o‘ntaligida allaqachon birinchi o‘rinni egallagan.
Netflix bashoratiga ko‘ra, “Lyupen” “Jodugar”dan keyin platformada namoyish etilgan eng ko‘p tomosha qilingan ikkinchi teleserialga aylanadi. Shu bilan birga, xizmatning hisob-kitoblari aniq. Serialni kamida ikki daqiqa tomosha qilgan abonent ham inobatga olinishi ta’kidlangan.
Netflix avvalroq “Bridjerton” dramatik serialining 2020-yil 25-dekabrda namoyish etilishi bilan dastlabki 4 hafta ichida ko‘rishlar soni 63 millionga yetishini va eng ko‘p tomosha qilingan seriallar beshtaligiga kirishini e’lon qilgandi. Ammo endi “Lyupen” kartinasi bunga xalaqit berishi turgan gap.
Fransiyaning “Lyupen” seriali fransuz yozuvchisi Moris Leblanning “Arsen Lyupen” asaridan ilhomlanib yaratilgan, serial otasiga qarshi adolatsiz ayblovlar uchun Pellegrin oilasidan qasos olishga harakat qilgan Assan Diop haqida hikoya qiladi. Serialda bosh qahramonni “1+1” filmidagi Driss roli bilan tanilgan Omar Si ijro etgan.
Izoh (0)