Netflix’ning Buyuk Britaniyadagi bo‘linmasi bolalar uchun mo‘ljallangan filmlardagi eng qo‘rqinchli kadrlarni to‘plab taqdim etdi. Mualliflarning fikricha, filmdagi ushbu lavhalar tomosha qilinganidan keyin travmatik oqibatlarni yuzaga keltirgan, deb yozadi “Film.ru”.
Eng qo‘rqinchi bolalar filmlaridan biri deya 1995-yilda taqdim etilgan “Jumanji” tan olingan. Kartina boshidan oxiriga qadar yoqimsiz voqealarga to‘la bo‘lib, uni xotiradan o‘chirib tashlash mushkul.
Shuningdek, rolikdan “Kosmik jem” lentasi ham o‘rin olgan — basketbol maydonchasida Sten Podolakning yapaloqlanib, keyin yana shishirilish sahnasi. “Uolles va Gromit: Noto‘g‘ri ishtonlar” multfilmidagi qotil pingvinlar ham video mualliflari e’tiboridan chetda qolmagan.
Bundan tashqari, jamlanmadan Devid Boui ishtirokidagi “Labirint”, Denni DeVito qatnashgan “Matilda”, “Villi Vonka va shokolad fabrikasi” hamda “Pi-Vining katta sarguzashtlari” filmlari ham o‘rin olgan.
Izoh (0)