2021 йилнинг бошиданоқ Netflix платформасида «Люпен» сериалининг премьераси алоҳида ажралиб туриши билан бирга, ҳайратланарли кўришлар сонини ҳам йиғмоқда, деб ёзади «Korrespondent.net».
Омар Си бош ролни ижро этган француз фильми дастлабки 28 кун ичида платформада 70 миллиондан ортиқ томоша қилинди. Сериал намойиши 2021 йилнинг 8 январида бошланган бўлиб, Netflix’нинг Бразилия, Вьетнам, Аргентина, Германия, Италия, Испания, Польша, Нидерландия, Швеция ва Филиппиндаги энг яхши ўнталигида аллақачон биринчи ўринни эгаллаган.
Netflix башоратига кўра, «Люпен» «Жодугар»дан кейин платформада намойиш этилган энг кўп томоша қилинган иккинчи телесериалга айланади. Шу билан бирга, хизматнинг ҳисоб-китоблари аниқ. Сериални камида икки дақиқа томоша қилган абонент ҳам инобатга олиниши таъкидланган.
Netflix аввалроқ «Бриджертон» драматик сериалининг 2020 йил 25 декабрда намойиш этилиши билан дастлабки 4 ҳафта ичида кўришлар сони 63 миллионга етишини ва энг кўп томоша қилинган сериаллар бешталигига киришини эълон қилганди. Аммо энди «Люпен» картинаси бунга халақит бериши турган гап.
Франциянинг «Люпен» сериали француз ёзувчиси Морис Лебланнинг «Арсен Люпен» асаридан илҳомланиб яратилган, сериал отасига қарши адолатсиз айбловлар учун Пеллегрин оиласидан қасос олишга ҳаракат қилган Ассан Диоп ҳақида ҳикоя қилади. Сериалда бош қаҳрамонни «1+1» фильмидаги Дрисс роли билан танилган Омар Си ижро этган.
Изоҳ (0)