Sony Xpreia Compact qurilmasi fevral oyida taqdim etilishi kutilmoqda. Uning savdolari esa bahordan boshlanadi, deb xabar beradi Hi-Tech.Mail.ru.
Uzoq vaqt smartfonlar bozorida ixcham modellarga “kichik” versiyalar sifatida qarab kelingan va ular kuchsizroq protsessorga ega bo‘lgan hamda arzon materiallardan tayyorlangan.
Sony kompaniyasi ushbu tendensiyaga rioya qilmagan holda 10 yil davomida texnik jihatdan flagmanlarga xos Xpreia Compact lineykasini taqdim etib keldi. Biroq qaysidir vaqt katta o‘lchamdagi smartfonlarga bo‘lgan talab trendga aylanib ketgani sabab yaponlar so‘nggi XZ2 Compact’ni 2018-yilda ishlab chiqargan.
iPhone 12 mini’ning muvaffaqiyati Yaponiya korporatsiyasini o‘z qarorini qayta ko‘rib chiqishga majbur qilgan bo‘lishi mumkin. Engadget’ning yozishicha, Sony yana kichik o‘lchamli Xperia’larni ishlab chiqarishni boshlaydi.
Sony may resurrect the Xperia Compact line for small phone fans https://t.co/VEE8cfbqN4 pic.twitter.com/ryCH6mvcKs
— Engadget (@engadget) January 24, 2021
Insayderlik ma’lumotlariga ko‘ra, o‘lchami 140x68,9x8,9 millimetr bo‘lgan devays 5,5 dyumli ekran, orqa panelida ikkita kamera (ulardan biri — 13 megapiksel) va 8 megapikselli selfi-kameraga ega bo‘ladi, shuningdek, u naushniklar uchun mo‘ljallangan 3,5 millimetrli razyomni saqlab qoladi.
Izoh (0)