AQSh Senati moliya vaziri lavozimiga Federal zaxira tizimining sobiq rahbari Janet Yellenning nomzodini ma’qulladi. Ovoz berish parlamentning yuqori palatasi veb-saytida namoyish etildi, deb yozmoqda “RBK”.
100 nafar senatordan 84 nafari Yellenga ovoz bergan. Senatorlarning ko‘pchiligi ovoz bergan taqdirda nomzod tasdiqlangan hisoblanadi. Shunday qilib, Yellen Moliya vazirligini boshqargan birinchi ayol bo‘ldi.
Nomzodi tasdiqlanishidan bir necha kun oldin Yellen Senatning moliya qo‘mitasi oldida so‘zga chiqqan. U agar ma’qullansa, AQSh sanksiyalar siyosatini qayta ko‘rib chiqishini aytgan. Uning aniqlik kiritishicha, mazkur cheklovlardan “strategik maqsadlarda va tegishlicha foydalanilishini” ta’minlash uchun o‘z o‘rinbosaridan mamlakatning sanksiyalar siyosatini har tomonlama ko‘rib chiqishni so‘ragan.
Shuningdek, u moliya vazirining o‘rinbosari terrorizmga qarshi kurash va moliyaviy razvedka faoliyatini tekshirishi to‘g‘risidagi Bloomberg xabarlarini tasdiqladi. Moliya vazirligining ushbu bo‘limi sanksiyalar uchun javobgardir.
2014-yildan 2018-yilgacha Yellen AQSh Federal zaxira tizimini boshqargan. Noyabr oyida uning Moliya vazirligi rahbari lavozimiga nomzodi ko‘rsatilganligi ma’lum bo‘lgandi.
Avvalroq Senat Milliy razvedka direktori etib Bayden tomonidan nomzodi qo‘yilgan Avril Xeynni hamda Pentagonning yangi rahbari etib Lloyd Ostinni tasdiqlagandi.
Izoh (0)