Qish mavsumida muzli yo‘llarda mashina boshqarish juda mushkul. Rossiyada tasvirga olingan ushbu videoda ham vaziyat qanchalar qaltis ekanligini ko‘rish mumkin.
Sodir bo‘layotgan voqea qorli qiyalikdan ko‘tarilayotgan haydovchi tomonidan tasvirga olingan. To‘satdan qarama-qarshi yo‘nalishda paydo bo‘lgan qora BMW X6 haydovchisi boshqaruvni butunlay yo‘qotib qo‘ygani tez orada ayon bo‘lgan. Avtomobil esa yon tomoni bilan yo‘l bo‘ylab sirg‘alib harakatlangan.
To‘qnashuvning oldini olish maqsadida video muallifi tezlik bilan teskari harakatga o‘tgan va orqaga qaytishni boshlagan. Uning vaziyatga nisbatan tutgan ishi ikkala avtomobilning to‘qnashishidan saqlab qolgan. Ehtimol, BMW X6 boshqaruvidagi haydovchi video muallifidan minnatdor bo‘lgandir.
Muz yoki qor bilan qoplangan yo‘llarda harakatlanayotganda, mashina g‘ildiraklari qay darajada mavsumga mos bo‘lmasin shoshilmasdan, sekin harakatlanishni unutmaslik lozim.
Mavzuga doir:
- Avstraliyada “pokrishka”ni qizdirmoqchi bo‘lgan erkak o‘zining Mercedes-AMG’sini yoqib yubordi (video)
- Yunusobodda yo‘lning muzlagani sabab 6 ta avtomobil oldinma-ketin to‘qnashib ketdi
- Xitoyda amfibiya-avtobuslar tirbandliklardan qutulishga yordam beradi (foto)
- Yaponiyada qor bo‘roni sabab 140 ga yaqin mashina ishtirokida ommaviy avariya yuz berdi (video)
Izoh (0)