Parijdagi Luvr muzeyi yaqinida kattaligi odamdek keladigan laqqa baliq ushlandi, deb xabar beradi Daily Mail.
Baliqchi Sena daryosidan ulkan baliqni chiqarib olganida, uning atrofida hayratga tushgan insonlar to‘plangan. “Kimdir bu ‘Sena Lox-Nessi’ deb baqirdi. Odamlar baliqni dinozavrlar va maxluqlarga aloqador demoqda”, — deydi voqeani videoga olgan Lina Lovisa Nilsson ismli guvoh.
Nilssonning taxminicha, bu Parij markazida qarmoqqa ilingan eng katta baliq hisbolanadi. U Senada tutilgan eng katta laqqa baliqning uzunligi 1,9 metrga yetganini aniqlagan. Luvr yaqinidan tutilgan baliqning kattaligi ham shunday keladi. “Men o‘zim borgan birorta katta shaharda bu kabi holatni ko‘rmaganman”, — deya ta’kidlaydi ayol.
Avvalroq amerikalik erkak singan qarmoqda 90 kiloli baliq tutgani, avstraliyalik baliqchi 30 yillik faoliyati davomidagi eng katta baliqni tutishga muvaffaq bo‘lgani to‘g‘risida xabar berilgandi.
Izoh (0)