Ichki ishlar vazirining jamoat tartibini saqlash bo‘yicha o‘rinbosari Azizbek Ikromov O‘zbekiston prezidentining 18- yanvardagi 4955-sonli qaroriga asosan mahalla va oilani qo‘llab-quvvatlash vaziri o‘rinbosari lavozimidan ozod etildi. Bu axborotni Mahalla va oilani qo‘llab-quvvatlash vazirligi “Daryo”ga tasdiqladi.
Azizbek Ikromov 2019-yilning noyabridan buyon ichki ishlar vaziri o‘rinbosari lavozimida ishlab kelmoqda. U 2020-yil fevralida qo‘shimcha ravishda mahalla va oilani qo‘llab-quvvatlash vaziri o‘rinbosari etib tayinlangan edi.
Mahalla va oilani qo‘llab-quvvatlash vazirligi prezidentning 2020-yil fevralidagi farmoniga muvofiq tashkil etilgan. Vazirlikka Farg‘ona viloyati IIBning sobiq boshlig‘i Rahmat Mamatov rahbar etib tayinlangan edi.
Vazirlik oldiga qo‘yilgan vazifalar qatorida, jumladan, “jamiyatda ‘Obod va xavfsiz mahalla‘ tamoyilining to‘laqonli va samarali joriy etilishida har tomonlama ko‘maklashish” va “oilalar va mahallalardagi ijtimoiy-ma’naviy muhitni sog‘lomlashtirishda fuqarolarning o‘zini o‘zi boshqarish organlari bilan yaqin hamkorligini o‘rnatish” kabilar bor.
Izoh (0)