COVID-19 kasalligidan tuzalgan moskvaliklar uchun epidemiya tufayli qo‘yilgan cheklovlar yumshatiladi. Bu haqda shahar meri Sergey Sobyanin “Rossiya 24” telekanalida ma’lum qildi, deya xabar bermoqda Meduza.
Uning so‘zlariga ko‘ra, agar biror kishi allaqachon kasallikdan tuzalgan bo‘lsa, unda “nega u uyda o‘tirishi kerak?”
“Biz shifokorlar, mutaxassislar, transport xodimlari, IT-mutaxassislar bilan maslahatlashmoqdamiz va (kasallikdan tuzalgan moskvaliklar) shahar tizimida ma’lum imtiyozlarga ega bo‘lishiga imkon beradigan tizim yaratmoqdamiz”, – dedi Sobyanin va kelasi hafta tafsilotlarni aytib berishni va’da qildi.
Sobyanin Moskva may oyida normal hayotga qaytishiga ishonadi. Ushbu muddat, uning fikriga ko‘ra, “fuqarolarning qanchalik faol emlanishiga” bog‘liq. Sobyaninning aytishicha, 140 ming moskvalik allaqachon koronavirusga qarshi vaksinani qabul qilgan.
Sobyanin yanvar oyining oxiriga kelib Moskvada COVID-19 bilan kasallanish holati kamayishini kutmoqda. “Mening hissiyotlarimga ko‘ra, yanvar oyida haqiqatan ham pasayish bo‘lishi kerak. Agar hozir bo‘lmasa, ikki yoki uch hafta ichida bu sodir bo‘ladi”, – dedi shahar meri.
Koronavirus bo‘yicha operativ shtabning 14-yanvar tongida e’lon qilgan ma’lumotiga ko‘ra, Moskvada sutka davomida 5893 ta COVID-19 bilan kasallanish holati qayd etilgan.
Avvalroq Rossiyada COVID-19’ning “britancha” shtammini yuqtirib olish bilan bog‘liq ilk holat aniqlangani hamda mamlakatda 18-yanvardan ommaviy vaksinatsiya boshlanishi haqida xabar berilgandi
Izoh (0)