Канадалик эркак итига музлаткич ичидан пиво олиб келиш ва унинг эшигини ёпишни ўргатди (видео)

Онтариолик банк менежери Майк Антониэтти ўзининг Уорвик лақабли саккиз ёшли итини фойдали иш бажаришга ўргатди — эндиликда ит музлаткичдан пиво олиб келиш билан бирга, ортидан эшикни ҳам ёпиб қўймоқда, деб хабар беради Meduza.

«Балки Уорвик — тоза хаски эмас, балки немис овчаркаси билан чатишгандир. Шу сабабли одамнинг унга икки маротаба камроқ бақиргиси келади», — дейилади хабарда.

Уорвикни бунга ўргатиш уч ой вақт талаб қилган. Антониэтти уни босқичма-босқич шуғуллантирган: аввалига ит буйруқ бўйича ошхонага борган. Шундан кейин тутқичига боғланган латта ёрдамида музлаткич эшигини очишни ўрганган. Ва энг мураккаби — Уорвикка пиво нима эканлигини ва уни тишлаганда банкани тешиб қўймасликни тушунтириш бўлган.

Ўрганиш жараёнида ит кўплаб маротаба адашиб қолган, масалан, бир сафар у Антониэттига пишлоқ кўтариб келган. Айни вақтда Уорвик буйруқларни идеал даражада бажармоқда, ҳеч нарсани чалкаштирмайди ва пивони тушириб ҳам юбормайди. Антониэттининг сўзларига кўра, ит унга бўлажак рафиқасини ром этишга ёрдам берган, яъни биринчи учрашувдаёқ Уорвик нимага қодирлигини кўрсатган.

Бундан ташқари, Уорвик нафақат пиво олиб келади, балки ўзини ўлганга солишни ҳам билади.