“Real” hujumkor yarim himoyachisi Eden Azar Belgiya futboli ramzi sifatida e’tirof etildi.
Belgiya futbol assotsiatsiyasi mamlakat futbolining 125 yilligiga bag‘ishlab, muxlislar o‘rtasida so‘rovnoma o‘tkazdi. Nomzodlar qatoridan Belgiya futbolining 125 yillik tarixida iz qoldirgan futbolchi va murabbiylar joy oldi.
Top-10 likdan shuningdek, Vensan Kompani, Kevin de Bryuyne, Yan Kulemans, Pol Van Ximst, Romelu Lukaku, Gi Tis, Erik Gerets, Jan-Mari Pfaff va Raymond Gutals kabilar o‘rin oldi.
Azar faoliyati mobaynida “Lill” va “Chelsi”da to‘p surgan, hozirda “Real” a’zosi hisoblanadi. U Belgiya terma jamoasining 106 o‘yinida qatnashib, 32 ta gol muallifiga aylangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)