Ispaniya La Ligasining 2-turidan o‘rin olgan qoldirilgan bahsda “Barselona” 6-yanvar, chorshanba kuni “Atletik Bilbao” mehmoni bo‘ldi.
Uchrashuvda tezkor gol kuzatildi. Inyaki Uilyams 3-daqiqada bilbaoliklarni hisobda oldinga olib chiqdi. Biroq birinchi bo‘limning o‘zidayoq katalonlar Pedri (14) va Messining (38) kiritgan to‘plari bilan javob qaytardi.
Ikkinchi bo‘limda ham Messi o‘z nomiga bitta gol yozdirib qo‘ygan bo‘lsa, 90-daqiqada maydon egalari hisobni qisqartirishga muvaffaq bo‘ldi.
“Barselona” ochkolarini 31 taga yetkazib, 3-pog‘onaga ko‘tarildi. “Atletik” esa 21 ochko bilan 9-qatorda bormoqda.
La Liga
2-tur bahsi6-yanvar, chorshanba
“Atletik B” — “Barselona” 2:3
Gollar: 1:0 – 3 Uilyams, 1:1 – 14 Pedri, 1:2 – 38 Messi, 1:3 – 62 Messi, 2:3 – 90 Muniain.“Atletik B”: Unai Simon, Martines, Berchiche (Balensiaga, 32), Nunyes, de Markos (Berenger, 65), Raul Garsiya (Morsilyo, 80), Vesga (Dani Garsiya, 65), Muniain, Vensedor, Kapa, Uilyams.
“Barselona”: ter Shtegen, Alba, Dest (Mingesa, 75), Langle, Arauxo, de Yong, Buskets, Pedri, Dembele (Breytueyt, 75), Grizmann, Messi.
Ogohlantirishlar: Vesga (27), Langle (57), Dani Garsiya (70).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)