Madridning “Atletiko” klubi Ispaniya Kubogining ikkinchi bosqichida 3-divizion vakili “Kornelya” bilan kuch sinashdi.
Madridliklar bellashuvning 7-daqiqasida o‘z darvozasidan to‘p o‘tkazib yubordi. Yakunda ushbu gol o‘yin taqdirini hal qildi. 63-daqiqada himoyachi Rikard Sanches maydondan chetlatilgach, poytaxtliklar o‘yinni bir kishi kam bo‘lib tugatishga majbur bo‘ldi.
Shu tariqa “Atletiko” mamlakat Kubogidagi ishtirokini 1/32 final bosqichida yakunladi.
Ispaniya Kubogi
1/32 final bosqichi6-yanvar, chorshanba
“Kornelya” — “Atletiko” 1:0
Gol: 1:0 – 7 Ximenes.“Kornelya”: Xuan, Borxa Garsiya, Rulo, Estelyes (Gusman, 74), Moreno (Presa 89), Ximenes, Medina, Garsiya, Fernandes (Marset, 89), Sanches (Dorka, 60), Gila (Chiki, 74).
“Atletiko”: San-Roman, Ximenes (Savich, 11), Rikard Sanches, Lodi, Felipe, Kondogbia, Torreyra, Korrea, Saul, Felish (Soriano, 75), Vitolo (Shaponich, 65).
Ogohlantirishlar: Ximenes (6), Borxa Garsiya (23), Rikard Sanches (52), Gila (65), Moreno (90).
Chetlatish: Rikard Sanches (63).
Izoh (0)