Dunyodagi eng uzun tirnoqlarga ega xyustonlik Ayanna Uilyams ularni sotmoqchi ekanligini ma’lum qildi, deb yozadi Metro nashri.

Foto: Instagram / @Longnailslioness

2017-yilda Uilyams tirnoqlari sabab Ginnesning rekordlar kitobidan joy olgan. Ayol 1992-yildan buyon ularni qirqmagan. Ayni vaqtda tirnoqlar uzunligi 97 santimetrni tashkil etadi.

54 yoshli ayolning so‘zlariga ko‘ra, bu kabi tirnoqlar uning nabiralariga yoqadi. Shunga qaramay, u ko‘plab noqulayliklarni yuzaga keltiradi: Ayannega kundalik oddiy yumushlarda ham yordamchi kerak.

Foto: Instagram / @Longnailslioness

“Men telefonda qalam yoki barmoq bo‘g‘imlarim bilan yozaman. Ombir yordamida jinsi kiyaman. Farzandlarim va nabiralarim juda yordam beradi”, — deydi u.

Ayolning hayoti olti yil oldin eri bilan ajrashganidan so‘ng, yanada qiyinlashgan.

Foto: Instagram / @Longnailslioness

Shunga qaramay, ayol tirnoqlaridan voz kechishga shoshmayapti, Ayanna tirnoqlarini kamida 47 ming dollarga sotish niyatida.

“Men bir yillar oldin qaror qabul qildim, biroq uni faqatgina munosib pulga sotaman. Xaridor topilmagunicha ularni qirqmayman”, — deya ta’kidlaydi Ayanna.

Foto: Instagram / @Longnailslioness

Foto: Instagram / @Longnailslioness

Nashrning yozishicha, ayni vaqtda tirnoqning maksimal narxi 100 dollarni tashkil etmoqda.