Germaniyada oqqush temiryo‘lga o‘tirib olib, 23 ta poyezd harakatini bir soatga to‘xtatib qo‘ydi

Germaniyada temiryo‘lga o‘tirib olgan oqqush sabab 20 dan ortiq poyezd harakati vaqtincha to‘xtab qoldi, deb xabar beradi The Guardian.

Ma’lum qilinishicha, qush o‘z do‘stining relslar ostida joylashgan elektr uzatish liniyasiga tegib ketishi oqibatida vafot etganidan so‘ng, poyezd yo‘liga o‘tirib olgan.

Oqqush sabab Kassel—Gyottingen yo‘nalishi bo‘yicha harakatlanuvchi 23 ta poyezd, taxminan, 50 daqiqa ushlanib qolgan.

Ta’kidlanishicha, qushni yo‘ldan olib tashlash uchun politsiya va o‘t o‘chirish xizmati xodimlari yordamga chaqirilgan bo‘lib, ular maxsus qurilmalar yordamida simlarga ilashib halok bo‘lgan oqqushni olib tashlagan.

Ikkinchi oqqush esa Fulda ko‘liga qo‘yib yuborilgan.