ПСЖ футбол клуби Маурисио Почеттинони янги бош мураббий сифатида таништирди.
48 ёшли мутахассис билан 2022 йилнинг ёзига қадар мўлжалланган шартнома имзоланган. Шунингдек, парижликларда келишувни яна бир мавсумга узайтириш ҳуқуқи бўлади.
Аргентиналик мутахассис 2019 йилнинг ноябрида «Тоттенҳэм»ни тарк этганидан буён ишсиз юрганди. У ПСЖда Томас Тухелнинг ўрнини эгаллайди. Аввалроқ германиялик мутахассис ишдан олинганди.
Почеттино учун ПСЖ бегона эмас, у 2001—2003 йилларда ушбу жамоада тўп сурган.
Париж шаҳри жамоаси 17-турдан кейин Франция чемпионатида 35 очко тўплаган ҳолда 3-ўринда бормоқда. Жамоа Чемпионлар Лигаси 1/8 финалида «Барселона»га қарши ўйнайди.
ПСЖ навбатдаги ўйинни 6 январь куни Лига 1 доирасида «Сент-Этен»га қарши ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)