Toshkent shahar Chilonzor tumanida daraxtga borib urilgan Damas yonib ketdi, deya xabar qilmoqda YHXBB.
Ma’lum qilinishicha, 30-dekabr kuni soat 18:10 larda Toshkent shahar Chilonzor tumani Bunyodkor shohko‘chasida Toshkent—Yangiyo‘l yo‘nalishida, 1990-yilda tug‘ilgan haydovchi I.M. Damas avtomobilida harakatlanayotib boshqaruvni yo‘qotgan. Shundan so‘ng yo‘l chetidagi daraxtga borib urilgan.
Zarb oqibatida avtomobilda yong‘in yuzaga kelgan.
Tez tibbiy yordam ko‘rsatish maqsadida haydovchi shifoxonaga olib ketilgan. Yong‘in o‘t o‘chiruvchilar tomonidan bartaraf etilgan.
Mazkur hodisa yuzasidan Chilonzor tumani IIO FMB YHXB va FVB xodimlari tomonidan surishtiruv ishlari olib borilib, hodisa sodir bo‘lish sabablariga aniqlik kiritilmoqda.
Avvalroq Yangiyo‘lda bir-biriga urilgan Cobalt va Damas yonib ketgani, Farg‘onada Nexia bilan to‘qnashgan Tracker yonib ketgani hamda Navoiyda yopilayotgan temiryo‘l kesishmasidan o‘tishga uringan Cobalt temir to‘siqqa urilib yonib ketgani haqida xabar qilingandi.
Izoh (0)