Тошкент шаҳар Чилонзор туманида дарахтга бориб урилган Damas ёниб кетди, дея хабар қилмоқда ЙҲХББ.
Маълум қилинишича, 30 декабрь куни соат 18:10 ларда Тошкент шаҳар Чилонзор тумани Бунёдкор шоҳкўчасида Тошкент—Янгийўл йўналишида, 1990 йилда туғилган ҳайдовчи И.М. Damas автомобилида ҳаракатланаётиб бошқарувни йўқотган. Шундан сўнг йўл четидаги дарахтга бориб урилган.
Зарб оқибатида автомобилда ёнғин юзага келган.
Тез тиббий ёрдам кўрсатиш мақсадида ҳайдовчи шифохонага олиб кетилган. Ёнғин ўт ўчирувчилар томонидан бартараф этилган.
Мазкур ҳодиса юзасидан Чилонзор тумани ИИО ФМБ ЙҲХБ ва ФВБ ходимлари томонидан суриштирув ишлари олиб борилиб, ҳодиса содир бўлиш сабабларига аниқлик киритилмоқда.
Аввалроқ Янгийўлда бир-бирига урилган Cobalt ва Damas ёниб кетгани, Фарғонада Nexia билан тўқнашган Tracker ёниб кетгани ҳамда Навоийда ёпилаётган темир йўл кесишмасидан ўтишга уринган Cobalt темир тўсиққа урилиб ёниб кетгани ҳақида хабар қилинганди.
Изоҳ (0)