Футбол бўйича Англия Премьер Лигасининг 16-турида «Манчестер Юнайтед» 29 декабрь, сешанба куни «Вулверҳэмптон» билан баҳс юритди.
Учрашувнинг биринчи бўлими ўртача темпда ўтди ва ҳар икки жамоа вакилларида бир мартадан голга тортадиган вазият бўлди. Иккинчи бўлимда майдон эгалари бироз фаолликни оширди.
Учрашувга ҳакам томонидан қўшиб берилган вақтда Маркус Рэшфорднинг зарбаси рақиб футболчисига тегиб ўз йўналишини ўзгартирди ва дарвозадан жой олди. Бу гол Оле-Гуннар Сульшер шогирдларига ғалаба келтирди.
Мазкур ғалабадан кейин «Манчестер Юнайтед» очколарини 30 тага етказиб олган ҳолда 2-ўринга кўтарилди. «Бўрилар» (21) эса 12-поғонада қолди.
АПЛ
16-тур баҳси
29 декабрь, сешанба
«Манчестер Юнайтед» — «Вулверҳэмптон» 1:0
Гол: 1:0 – 90+3 Рэшфорд.«Манчестер Юнайтед»: Де Хеа, Уан-Биссака, Теллес (Шоу, 46), Байи, Магуайр, Матич, Погба, Бруну Фернандеш (Мактоминей, 90), Кавани, Гринвуд (Марсьяль, 64), Рэшфорд.
«Вулверҳэмптон»: Руй Патрисиу, Ҳувер, Аит-Нури, Коуди, Саисс, Витиня (Поденсе, 55), Рубен Невеш, Нету (Фабиу Сильва, 68), Моутинью, Траоре, Килмен.
Огоҳлантиришлар: Рэшфорд (50), Руй Патрисиу (73).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)