Rossiyalik kino va teatr artisti, qo‘shiqchi Alisa Freyndlix koronavirus va o‘pka yallig‘lanishi bilan Sankt-Peterburgdagi shixofonaga yotqizildi. Bu haqda tarixchi Konstantin Boguslavskiy 28-dekabr kuni o‘zining Facebook’dagi sahifasi orqali e’lon qilib, keyinroq ushbu postni o‘chirib tashlagan. “Film.ru”ning yozishicha, Freyndlix shifoxonaga 25-dekabrda yotqizilgan.
“RIA Novosti” ma’lumotlariga ko‘ra, aktrisa hozirda Sokolov nomidagi Klinik markazda davolanmoqda. “Interfaks”ning aniqlashicha, Freyndlix reanimatsiya bo‘limida bo‘lib, uning sog‘ligi shifokorlar nazorati ostida.
Ta’kidlanishicha, aktrisa o‘pkasining 80 foizi yallig‘langani to‘g‘risidagi xabarlar haqiqatga to‘g‘ri kelmaydi.
Ayni avqtda Alisa Freyndlixning ahvoli barqaror ekanligi ma’lum. Bundan tashqari, 86 yoshli aktrisa bilan uning Varvara ismli qizi ham shifoxonaga yotqizilgan.
Eslatib o‘tamiz, 1981-yil Xalq artisti unvoni, shuningdek, 4 ta oliy mukofot, ko‘plab kino va teatr mukofotlari sovrindori – Rossiyaning mahoratli aktrisasi Alisa Freyndlix 8-dekabr kuni 86 yoshga to‘lgan edi.
Izoh (0)