Sovet kinosining eng go‘zal besh aktrisasi hozir qanday ko‘rinishda? (foto)

Rus kinematografiyasining eng go‘zal va mahoratli aktrisalari oradan yillar o‘tgan bo‘lishiga qaramay o‘z ko‘rinishini saqlab qolgan. Ammo ular mashhurlikka erishganidan keyin deyarli boshqa filmlardagi roli bilan muvaffaqiyat qozonmagan. Ular tomoshabinlar ko‘nglidan faqat birgina mashhur qilgan obrazi bilan joy olgan.

Barbara Brilska — 79 yosh

Polshalik aktrisa Barbara “Taqdir hazili yoxud qushdek yengil bo‘ling” romantik komediyasida rus tili va adabiyot o‘qituvchisi Nadya Shevelyova roli bilan mashhurlikka erishgan. Aynan ushbu film uchun aktrisa davlat mukofotiga sazovor bo‘lgan, ammo keyinchalik uning karyerasida o‘sish kuzatilmagan. U shaxsiy hayotida ham qiyinchiliklarga duch kelgan. Uch marotaba turmush qurgan aktrisaning qizi va o‘g‘li yoshligida fojiali tarzda vafot etgan.

Natalya Varley — 72 yosh

53 yil avval Leonid Gaydayning “Kavkaz asirasi” filmi namoyishidan so‘ng Natalya mashhur aktrisaga aylandi. Ammo Natalya ham keyinchalik bunday muvaffaqiyatga olib boruvchi filmda ishtirok etmadi. Oila borasida ikki marotaba turmush qurgan. Uning hozirda ikki o‘g‘li bor.

Anastasiya Vertinskaya — 75 yosh

Ushbu aktrisaning karyerasi chindan ham bir qancha mashhur filmlarga boy. Masalan, “Alvon yelkanlar”, “Amfibiya-odam” “Gamlet”, “Urush va tinchlik” va “Anna Karenina” kabilar. 2000-yillarning boshida aktrisa karyerasini tugatishga qaror qilgan va keyinchalik bu qaror unga katta yengillik keltirganini ham ma’lum qilgan: “Va nihoyat ekran va sahnalarda hech kimga ko‘rinmasdan, tashvishlarsiz yashash mumkinligini angladim. Va buning hech qanday qo‘rqinchli joyi yo‘q”. Anastasiya ikki marotaba turmush qurgan va rejissor Nikita Mixalkovdan Stepan ismli o‘g‘li bor.

Svetlana Svetlichnaya — 80 yosh

Svetlanaga aynan Leonid Gaydayning “Brilliant qo‘l” filmidagi roli mashhurlik keltirgan. Aktrisa ushbu film namoyishidan so‘ng bir necha mukofotlarga sazovor bo‘lsa-da, ekranlarda ko‘p ko‘rinish bermagan. Ba’zida mahalliy teleko‘rsatuvlar va filmlarda epizod rollarni ijro etgan. U ikki marotaba oila qurgan va ikki nafar o‘g‘li bor.

Natalya Fateyeva — 85 yosh

Natalya “Ikki qo‘shuv uch”, “Don-Kixotning bolalari” va “Uchrashuv joyini o‘zgartirish mumkin emas” filmidagi rollari bilan tanilgan. Aktrisa keyin ham faol suratga tushishda va asosiy rollarni ijro etishda davom etgan. Shuningdek, chet el filmlarining dublyajida ham ishtirok etgan — uning hisobida 30 dan ortiq ovozli filmlar mavjud. Hozirda aktrisa oilaviy muammolar tufayli qizi va o‘g‘li bilan aloqani uzgan.