Nufuzli xorijiy universitetlar, ilmiy va innovatsion markazlar bilan aloqalarni kuchaytirish, ular bilan kadrlar tayyorlash bo‘yicha hamkorlikni yanada kengaytirish zarur. Bu haqda Prezident Shavkat Mirziyoyev 29-dekabr kuni Oliy Majlisga yo‘llagan Murojaatnomasida aytib o‘tdi.
“Shu munosabat bilan, kelgusi yilda “El-yurt umidi” jamg‘armasi orqali yetakchi xorijiy oliy o‘quv yurtlarining magistratura va doktoranturasida o‘qishga yuboriladigan yoshlar soni 5 barobarga oshiriladi”, — deya ma’lum qildi davlat rahbari.
Shuningdek, bu dastur orqali ilk bor bakalavr yo‘nalishida chet ellarga 100 nafar o‘g‘il-qizlar yuborilishi ma’lum qilindi. “Keyingi yillardan ularning soni 2-3 barobarga ko‘paytiriladi”, — deya qo‘shimcha qildi Prezident.
Mavzuga doir:
- Oliy o‘quv yurtlariga qabul qilishda ehtiyojmand oilalar qizlari uchun grantlar soni 2 mingtaga yetkaziladi — Shavkat Mirziyoyev
- Milliy kadrlarning yangi avlodini tayyorlash maqsadida Toshkentda alohida universitet tashkil etiladi — Shavkat Mirziyoyev
- Shavkat Mirziyoyev 2021-yilni Yoshlarni qo‘llab-quvvatlash va aholi salomatligini mustahkamlash yili deb e’lon qildi
Izoh (0)