Noyabr oyida O‘zbekiston tarixida ikkinchi marotaba xalqaro moliya bozorlarida suveren obligatsiyalar joylashtirgani to‘g‘risida xabar berilgandi. Biroq uning o‘ziga xosligi nafaqat yevroobligatsiyalar ekanligida (yiliga 3,7 foizli 555 million dollarli yevrobondlar 10 yilga), balki o‘zbek so‘mida ham (yiliga 14,5 foizli 2 trillion so‘m) suveren obligatsiyalarni joylashtirilganida edi. Spot nashri The Wall Street Journal’ga tayanib, o‘zbek so‘midagi obligatsiyalarga nima sababdan talab yuqori bo‘layotganini izohlab berdi.
“Juda past foizli stavkaga ega obligatsiyalar olamida investorlar kamroq o‘rganilgan yo‘lni tanlaydi”, — deya oydinlik kiritadi Wall Street Journal.
“G‘oya u yerda mahalliy valyuta bozorini ochishga yordam berishdan iborat, biroq ushbu bitimlar bozorlar yetarli darajada qaynoq bo‘lganida tuziladi”, — deya qo‘shimcha qiladi u.
Bu, asosan, dollar va yevro kabi qattiq valyutalar hisoblanadi, biroq hukumatlar mahalliy valyutada kattagina summani ham olgan, umumiy qiymatda 30 milliard dollarga yaqin. O‘zbek yevrobondlari bilan birga, Chili pesosi, Dominikat pesosi, xorvat kunasi va Saudiya Arabistoni riyollari bilan ham yirik bitimlar imzolangan.
Investorlarning rivojlanayotgan bozorlarga bo‘lgan qiziqishi so‘nggi haftalarda yil boshidagi inqiroz tufayli yuzaga kelgan global bozordagi notinchlik paytida kapitalning ko‘p chiqib ketishi ortidan qaytgan.
Capital Economics ma’lumotlariga ko‘ra, obligatsiyalar va rivojlanayotgan bozorlar aksiyalarining oylik sof oqimi, Indoneziya, Hindiston, Janubiy Koreya, Tailand va Meksikani hisobga olganda, so‘nggi yetti yildagi maksimumga erishgan — dekabr oyi boshida 30 milliard dollarga yaqin. Sof kirib kelish mart oxirida qariyb 50 milliard dollarni tashkil etgan.
Investorlarning qiziqishi yuqori daromad hamda ko‘plab rivojlanayotgan bozorlar o‘z moliyaviy ahvolini yaxshiroq nazorat qila olishi sabab o‘smoqda.
“Shakllanayotgan bozorga ega yana bir nechta sanoat mamlakatlari, ayniqsa, Osiyodagi oldingidek qayta tiklanish yetakchilariga aylanadi. Biroq ularning sanoat va eksport potensiali emas, virusni nazorat ostida ushlab turishi muhim”, — deydi Capital Economics’ning rivojlanayotgan bozorlar bo‘yicha bosh iqtisodchisi Uilyam Jekson.
Izoh (0)