Qoraqalpog‘iston Jo‘qorg‘i Kengesi raisi Murat Kamalov Oliy Majlis Senatining 18-dekabr kuni o‘tkazilgan yalpi majlisida Nukusdagi Yangi yil archasi uchun Toshkent hokimi Jahongir Ortiqxo‘jayevga minnatdorchilik bildirdi.
“Hurmatli do‘stimiz Ortiqxo‘jayevga alohida rahmat. Qoraqalpog‘istonda shunday archa o‘rnatdikki, bunaqa chiroyli archa hali Nukusda bo‘lmagan. Barcha, jumladan, yoshlar ham u yerda vaqtini maroqli o‘tkazyapti, shu sababli unga katta rahmat”, — deydi Kamalov.
Senat raisi Tanzila Norboyeva Qoraqalpog‘istonni 2020—2023-yillarda kompleks rijovlantirish dasturi tasdiqlanganini eslatib o‘tgan. Uning so‘zlariga ko‘ra, mintaqaga Prezident Shavkat Mirziyoyevning tashrifi vaqtida Oliy Majlis yuqori palatasi Qoraqalpog‘iston uchun “mas’ul” etib tayinlangan, Toshkent hokimi Jahongir Ortiqxo‘jayevga esa Nukusning rivojlanishiga amaliy yordam ko‘rsatish vazifasi topshirilgan.
Eslatib o‘tamiz, oktabr boshlarida Jahongir Ortiqxo‘jayev Qoraqalpog‘istonga borib, o‘z tajribasini Nukus hokimi bilan bo‘lishgan edi. Keyinroq Toshkent hokimi Nukus markazini qayta qurish loyihasini Shavkat Mirziyoyevga taqdim etgandi.
Izoh (0)