“Liverpul” hujumchisi Muhammad Saloh “Barselona” sardori Lionel Messi va “Yuventus” forvardi Krishtianu Ronaldu haqidagi fikrlari bilan o‘rtoqlashdi.
— Nima deb o‘ylaysiz, kelajakda Ronaldu va Messining o‘rnini kim egallaydi?
— Kimnidir nomini aytish qiyin. Bir necha ajoyib o‘yinchilar bor, biroq bu ikki futbolchi erishgan yutuqlarga aqlbovar qilmaydi. Shunday ekan...
Yo‘q, men qandaydir ismlarni ayta olmayman. Yaxshi harakat qilayotgan bir qator futbolchilar bor.
— Ayni damda o‘zingizni dunyoning eng yaxshi futbolchilari qatorida ko‘rasizmi?
— Ha, aniq. Faoliyatimga baho berayotgan vaqtda qandaydir o‘ziga xos yutuqlarga erishganimni his qilishni xohlayman. Shuning uchun yildan yilga har bir o‘yinda yanada yaxshiroq harakat qilishga intilyapman — klub uchun ham, o‘zim uchun ham, — deydi Saloh.
Saloh 2017-yildan buyon “Liverpul” safida harakat qilib kelmoqda. 2020/21-yilgi mavsumda futbolchi APLda 13 o‘yinda maydonga tushib 13 gol va 3 ta golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)