«Ливерпуль» ҳужумчиси Муҳаммад Салоҳ «Барселона» сардори Лионель Месси ва «Ювентус» форварди Криштиану Роналду ҳақидаги фикрлари билан ўртоқлашди.
— Нима деб ўйлайсиз, келажакда Роналду ва Мессининг ўрнини ким эгаллайди?
— Кимнидир номини айтиш қийин. Бир неча ажойиб ўйинчилар бор, бироқ бу икки футболчи эришган ютуқларга ақл бовар қилмайди. Шундай экан...
Йўқ, мен қандайдир исмларни айта олмайман. Яхши ҳаракат қилаётган бир қатор футболчилар бор.
— Айни дамда ўзингизни дунёнинг энг яхши футболчилари қаторида кўрасизми?
— Ҳа, аниқ. Фаолиятимга баҳо бераётган вақтда қандайдир ўзига хос ютуқларга эришганимни ҳис қилишни хоҳлайман. Шунинг учун йилдан йилга ҳар бир ўйинда янада яхшироқ ҳаракат қилишга интиляпман — клуб учун ҳам, ўзим учун ҳам, — дейди Салоҳ.
Салоҳ 2017 йилдан буён «Ливерпуль» сафида ҳаракат қилиб келмоқда. 2020/21 йилги мавсумда футболчи АПЛда 13 ўйинда майдонга тушиб 13 гол ва 3 та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)