La Liga. “Atletiko” 4 ta gol urilgan o‘yinda uch ochkolik bo‘ldi, Luis Suaresdan dubl
Futbol bo‘yicha Ispaniya La Ligasining 14-turida “Atletiko” 19-dekabr, shanba kuni “Elche”ni qabul qildi.
Uchrashuvning 41-daqiqasida Luis Suares madridliklarni oldinga olib chiqdi. Urugvaylik futbolchi ikkinchi bo‘lim debyutida ham o‘z hisobiga gol yozdirib qo‘ydi.
Bunga mehmonlar 64-daqiqada Lukas Boyening goli bilan javob qaytardi. Uchrashuv yakunlanishi arafasida maydon egalari penalti tepish imkoniyatiga ega bo‘ldi. 11 metrlik jarima zarbasini Diyego Kosta muvaffaqiyatli ijro etdi.
Bu g‘alabadan keyin “Atletiko”ning ochkolari 29 taga yetdi. Musobaqa jadvalida peshqadamlik qilayotgan Diyego Simeone shogirdlarida ikkita zaxira o‘yini bor.
La Liga
14-tur bahsi
19-dekabr, shanba
“Atletiko” — “Elche” 3:1
Gollar: 1:0 – 41 Suares, 2:0 – 58 Suares, 2:1 – 64 Boye, 3:1 – 80, penalti Diyego Kosta.“Atletiko”: Oblak, Ermoso, Savich, Trippyer, Lodi, Koke (Felipe, 87), Karrasko (Saul, 66), Lyorente, Lemar (Korrea, 66), Joau Feliks (Diyego Kosta, 73), Suares (Kondogbia, 74).
“Elche”: Badiya, Verdu, Xosema, Barragan, Donald (Sanches Mino, 46), Xosan (Rigoni, 46), Guti (Nino, 81), Fidel, Markone, Morente, Boye.
Ogohlantirishlar: Verdu (14), Ermoso (40), Markone (79).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
