Bugun,

  • USD 11095.31
  • RUB 173.84
  • EUR 10772.44

Futbol bo‘yicha Italiya A Seriyasining 13-turidan o‘rin olgan bir qator uchrashuvlar 20-dekabr, yakshanba kuni bo‘lib o‘tdi.

Foto: Getty Images

Foto: Getty Images

“Jenoa” safarda “Benevento”ga qarshi bahs yuritdi. Uchrashuvning birinchi bo‘limida maydonda teng kurash kechdi, biroq tanaffusga qadar hisob ochilmadi. Birinchi bo‘limda “Jenoa”da birgina yorqin hujum kuzatildi: Eldor Shomurodovning uzoq masofadan yo‘llagan kuchli zarbasini darvozabon bartaraf qilishga erishdi.

57-daqiqada Roberto Insinye genuyaliklar himoyasidagi xatodan unumli foydalanib, mezbonlarni oldinga olib chiqdi. Mazkur goldan keyin mehmonlar ustozi Rolando Maran o‘zgarishlar amalga oshirdi va asosiy tarkibda maydonga tushgan Eldor Shomurodov ham maydonni tark etdi. Biroq bu o‘zgarishlar genuyaliklarga foyda keltirmadi. O‘yin yakunlanishi arafasida mezbonlar penalti ishlab oldi, uni Marko Sau golga aylantirdi.

Musobaqa peshqadami “Milan” “Sassuolo” mehmoni bo‘ldi. Uchrashuvning ilk soniyalaridayoq Rafael Leau milanliklarni oldinga olib chiqdi. Bo‘lim o‘rtalarida Aleksis Salemakers jamoasining ikkinchi golini urdi. Bunga maydon egalari o‘yin so‘ngida Domeniko Berardining goli bilan javob qaytardi.

“Inter” esa “Spetsiya”ni qabul qildi. Ikkinchi bo‘lim debyutida Ashraf Hakimi maydon egalarini oldinga olib chiqqan bo‘lsa, 71-daqiqada Romelu Lukaku hisobni 2:0 ko‘rinishga olib keldi. Hakam tomonidan qo‘shib berilgan vaqtda Roberto Pikkoli mehmonlarning javob to‘pini kiritdi.

A Seriya

13-tur bahslari

20-dekabr, yakshanba

“Benevento” — “Jenoa” 2:0

Gollar: 1:0 – 57 Insinye, 2:0 – 89, penalti Sau.

“Benevento”: Montipo, Tuyya (Fulon, 80), Glik, Barba, Letitsia, Kaprari (Sau, 79), Xetemay, Improta, Ionitse, Insinye (Telo, 74), Lapadula (Di Serio, 79).

“Jenoa”: Perin, Bani, Goldaniga (Zappakosta, 75), Masyello, Chiborra (Krishito, 58), Lerager, Sturaro (Radovanovich, 58), Pyatsa, Gilyone, Destro (Skamakka, 72), Shomurodov (Pandev, 58).

Ogohlantirishlar: Bani (13), Kaprari (43), Goldaniga (67), Masyello (88).

“Sassuolo” — “Milan” 1:2

Gollar: 0:1 – 1 Rafael Leau, 0:2 – 26 Salemakers, 1:2 – 89 Berardi.

“Sassuolo”: Konsilyi, Rojerio (Kiryakopulos, 46), Ferrari, Marlon, Tolyan (Myuldyur, 61), Traore (Obiang, 86), Jurichich (Boga, 57), Lopes, Burabiya, Berardi, Defrel (Kaputo, 46).

“Milan”: Donnarumma, Romanyoli, Kalabriya, Kalulu, Teo, Tonali (Krunich, 46), Salemakers (Kastilyexo, 79), Kessie, Chalxono‘g‘lu (Maldini, 87), Brahim Dias (Heuge, 57), Rafael Leau.

Ogohlantirishlar: Kessie (61), Berardi (65), Kalabriya (71), Romanyoli (88).

“Inter” — “Spetsiya” 2:1

Gollar: 1:0 – 51 Hakimi, 2:0 – 71, penalti Lukaku, 2:1 – 90+4 Pikkoli.

“Inter”: Handanovich, Yang (Darmian, 80), Shkrinyar, Bastoni, Hakimi (D`Ambrozio, 80), Barella, Brozovich (Vidal, 66), Galyardini (Sensi, 46), de Vrey, Lukaku (Perishich, 80), Martines.

“Spetsiya”: Provedel, Tersi, Vinyali, Bastoni, Ismayli, Deyola (Majore, 72), Richchi, Akampora (Mastinu, 90), Mora (Agudelo, 72), Jasi (Farias, 80), Nzola (Pikkoli, 80).

Ogohlantirishlar: Brozovich (18), Nzola (41), Tersi (43).

“Torino” — “Bolonya” 1:1

Gollar: 1:0 – 69 Verdi, 1:1 – 78 Soriano.

“Kalyari” — “Udineze” 1:1

Gollar: 1:0 – 27 Likoyannis, 1:1 – 57 Lazanya.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
O‘zbekistonda dollar kursi yana tushdi 
Dunyo
Ozarbayjon o‘z fuqarolarini Eronga bormaslikka chaqirdi
Iqtisodiyot
O‘zbek so‘mi 2022-yilda dollarga nisbatan 3,9 foizga qadrsizlandi. Milliy valyutaning almashuv kursi qanday o‘zgardi?