Futbol bo‘yicha Angliya Premyer Ligasining 13-turida “Manchester Yunayted” 17-dekabr, payshanba kuni “Sheffild Yunayted” maydonida mehmon bo‘ldi.
Uchrashuvning 5-daqiqasida mehmonlar darvozaboni Din Hendersonning xatoligidan keyin Devid Makgoldrik hisobni ochdi. Shundan keyin “qizil iblislar” raqib darvozasi oldida bosimni kuchaytirdi. 26-daqiqada Markus Reshford uzoq masofadan uzatilgan to‘pni qabul qilib oldi va darvozabonning yaqin burchagini aniq nishonga oldi.
Oradan ko‘p o‘tmay Antoni Marsyal Pol Pogbaning uzatmasini ko‘kka sovurmadi. Ikkinchi bo‘limda jamoalar yana bir martadan gol urishga muvaffaq bo‘ldi. 51-daqiqada Reshford mehmonlarning qoyilmaqom hujumini gol bilan yakunladi. So‘nggi daqiqalarda Makgoldrik dublni rasmiylashtirdi.
Shu tariqa ushbu g‘alabadan keyin “Manchester Yunayted” ochkolarini 23 taga yetkazib olgan holda 6-o‘ringa ko‘tarilib oldi. “Sheffild” (1) esa so‘nggi o‘rinda bormoqda.
APL
13-tur bahslari
17-dekabr, payshanba
“Sheffild Yunayted” — “Manchester Yunayted” 2:3
Gollar: 1:0 – 5 Makgoldrik, 1:1 – 26 Reshford, 1:2 – 33 Marsyal, 1:3 – 51 Reshford, 2:3 – 87 Makgoldrik.“Sheffild Yunayted”: Remsdeyl, Bashem, Boldok, Igan, Ampadu, Berk (Bryuster, 74), Flek, Robinson, Berge (Jagelka, 12; Musse, 63), Stivens, Makgoldrik.
“Manchester Yunayted”: Henderson, Telles, Lindelyof, Uan-Bissaka, Maguayr, Brunu Fernandesh (van de Bek, 80), Matich, Pogba, Reshford, Grinvud (Mata, 74), Marsyal (Maktominey, 90).
Ogohlantirishlar: Jagelka (51), Igan (70), Henderson (90).
“Aston Villa” — “Byornli” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)