Футбол бўйича Англия Премьер Лигасининг 13-турида «Манчестер Юнайтед» 17 декабрь, пайшанба куни «Шеффилд Юнайтед» майдонида меҳмон бўлди.
Учрашувнинг 5-дақиқасида меҳмонлар дарвозабони Дин Ҳендерсоннинг хатолигидан кейин Дэвид Макголдрик ҳисобни очди. Шундан кейин «қизил иблислар» рақиб дарвозаси олдида босимни кучайтирди. 26-дақиқада Маркус Рэшфорд узоқ масофадан узатилган тўпни қабул қилиб олди ва дарвозабоннинг яқин бурчагини аниқ нишонга олди.
Орадан кўп ўтмай Антони Марсьяль Пол Погбанинг узатмасини кўкка совурмади. Иккинчи бўлимда жамоалар яна бир мартадан гол уришга муваффақ бўлди. 51-дақиқада Рэшфорд меҳмонларнинг қойилмақом ҳужумини гол билан якунлади. Сўнгги дақиқаларда Макголдрик дублни расмийлаштирди.
Шу тариқа ушбу ғалабадан кейин «Манчестер Юнайтед» очколарини 23 тага етказиб олган ҳолда 6-ўринга кўтарилиб олди. «Шеффилд» (1) эса сўнгги ўринда бормоқда.
АПЛ
13-тур баҳслари
17 декабрь, пайшанба
«Шеффилд Юнайтед» — «Манчестер Юнайтед» 2:3
Голлар: 1:0 – 5 Макголдрик, 1:1 – 26 Рэшфорд, 1:2 – 33 Марсьяль, 1:3 – 51 Рэшфорд, 2:3 – 87 Макголдрик.«Шеффилд Юнайтед»: Рэмсдейл, Башем, Болдок, Иган, Ампаду, Берк (Брюстер, 74), Флек, Робинсон, Берге (Жагелка, 12; Муссе, 63), Стивенс, Макголдрик.
«Манчестер Юнайтед»: Ҳендерсон, Теллес, Линдельоф, Уан-Биссака, Магуайр, Бруну Фернандеш (ван де Бек, 80), Матич, Погба, Рэшфорд, Гринвуд (Мата, 74), Марсьяль (Мактоминей, 90).
Огоҳлантиришлар: Жагелка (51), Иган (70), Ҳендерсон (90).
«Астон Вилла» — «Бёрнли» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)