FIFA tomonidan 17-dekabr, payshanba kuni yilning eng yaxshilarini aniqlash marosimi o‘tkazildi.
“Bavariya” hujumchisi Robert Levandovski so‘rovnoma natijalariga ko‘ra, yilning eng yaxshi futbolchisi nomiga loyiq ko‘rildi. Polshalik futbolchi 2019/20-yilgi mavsumda Bundesliga, Germaniya Kubogi va Chempionlar Ligasida g‘olib chiqish bilan birga, ushbu musobaqalarning eng yaxshi to‘purariga aylandi.
Levandovski bu borada “Barselona” hujumchisi Lionel Messi va “Yuventus” forvardi Krishtianu Ronalduni ortda qoldirdi.
Shuningdek, yilning eng yaxshi ayol futbolchisi nomini ham e’lon qilindi. Unga ko‘ra, “Manchester Siti” klubi va Angliya terma jamoasi vakili Lyusi Bronz g‘oliblikni qo‘lga kiritdi.
Ushbu sovrin uchun shuningdek, Pernilla Harder (“Chelsi”, Daniya) va Vendi Renar (“Lion”, Fransiya) kurash olib borgandi.
Mavzuga doir:
- The Best—2020. Yilning eng yaxshi darvozaboni aniqlandi
- The Best—2020. Yilning eng chiroyli goli muallifi ma’lum bo‘ldi (video)
- The Best—2020. Yilning eng yaxshi murabbiyi aniqlandi
- The Best—2020. FIFA 2019/20-yilgi mavsum ramziy terma jamoasini e’lon qildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)