Shavkat Yaxshiboyev Bog‘ot tuman hokimi vazifasini bajaruvchisi etib tayinlandi, deb xabar beradi “Xalq so‘zi Onlayn”.
17-dekabr kuni xalq deputatlari Bog‘ot tumani kengashining navbatdan tashqari sessiyasi bo‘lib o‘tdi.
Sessiyada tashkiliy masala ko‘rildi. Shavkat Yaxshiboyev Bog‘ot tuman hokimi vazifasini bajaruvchisi etib tayinlandi.
Ma’lumot uchun, Shavkat Yaxshiboyev bunga qadar Xorazm viloyati hokimligi Madaniyat va aholi dam olish boshqarmasi boshlig‘i lavozimida ishlagan.
Eslatib o‘tamiz, shu paytga qadar Oybek Xolboyev Bog‘ot tumani hokimi lavozimida ishlab kelayotgandi. U 2019-yil sentabr oyida tumanda fuqarolar paxta terimiga majburan jalb etilgani tufayli jarimaga tortilgandi.
Avvalroq Peshku, Jondor va Buxoro tumani hokimlari o‘zgargani, qurilish vaziri o‘rinbosari Jarqo‘rg‘on tumaniga hokim bo‘lgani, shuningdek, Surxondaryo hokimining sobiq o‘rinbosari Sherobodga hokim etib tayinlangani to‘g‘risida xabar berilgandi.
Izoh (0)