Qoraqalpog‘iston Respublikasi Kegeyli tumani hokimi o‘zgardi. Bu haqda Jo‘qorg‘i Kenges matbuot xizmatiga tayanib, “Kun.uz” xabar berdi.
15-dekabr kuni xalq deputatlari Kegeyli tumani kengashining navbatdan tashqari sessiyasi bo‘lib o‘tdi. Jo‘qorg‘i Kenges raisi Murat Kamalov ishtirok etgan sessiyada tashkiliy masala ko‘rilib, Davletbay Utemuratov Kegeyli tumani hokimi lavozimiga tayinlandi.
Davletbay Utemuratov bu lavozimda 2016-yil oktabridan buyon ishlab kelgan Muratbay Abdirov o‘rnida ish boshladi.
Davletbay Utemuratov 2010—2019-yillarda Qoraqalpog‘istonning Qorao‘zak tumani hokimi lavozimida ishlagan. U Qoraqalpog‘iston tarixida eng uzoq vaqt davomida bitta tumanga rahbar bo‘lgan hokim hisoblanadi. 2019-yilning may oyida Davletbay Utemuratov Qorao‘zak tumani hokimi lavozimidan ozod etilib, uning o‘rnini Roman Jumaboyev egallagandi. Mavzuga doir:- Toshkent tumani hokimi o‘rinbosari To‘ra Bobolovga birinchi o‘rinbosar etib tayinlandi
- Peshku, Jondor va Buxoro tumani hokimlari o‘zgardi
- Qurilish vaziri o‘rinbosari Jarqo‘rg‘on tumaniga hokim bo‘ldi
- Surxondaryo hokimining sobiq o‘rinbosari Sherobodga hokim etib tayinlandi
- Yangiariq tumaniga yangi hokim tayinlandi
