Шавкат Яхшибоев Боғот туман ҳокими вазифасини бажарувчиси этиб тайинланди, деб хабар беради «Халқ сўзи Онлайн».
17 декабрь куни халқ депутатлари Боғот тумани кенгашининг навбатдан ташқари сессияси бўлиб ўтди.
Сессияда ташкилий масала кўрилди. Шавкат Яхшибоев Боғот туман ҳокими вазифасини бажарувчиси этиб тайинланди.
Маълумот учун, Шавкат Яхшибоев бунга қадар Хоразм вилояти ҳокимлиги Маданият ва аҳоли дам олиш бошқармаси бошлиғи лавозимида ишлаган.
Эслатиб ўтамиз, шу пайтга қадар Ойбек Холбоев Боғот тумани ҳокими лавозимида ишлаб келаётганди. У 2019 йил сентябрь ойида туманда фуқаролар пахта теримига мажбуран жалб этилгани туфайли жаримага тортилганди.
Аввалроқ Пешку, Жондор ва Бухоро тумани ҳокимлари ўзгаргани, қурилиш вазири ўринбосари Жарқўрғон туманига ҳоким бўлгани, шунингдек, Сурхондарё ҳокимининг собиқ ўринбосари Шерободга ҳоким этиб тайинлангани тўғрисида хабар берилганди.
Изоҳ (0)