Respublika aholi maskanlarini mobil aloqa bilan qamrovi darajasi 97 foizga va mobil internet tarmog‘iga keng polosali ulanish qamrovi darajasi 87 foizga yetkazildi. Bu haqda Axborot texnologiyalari va kommunikatsiyalarini rivojlantirish vazirligi axborot xizmati rahbari Sherzod Ahmatov ma’lum qildi.
Uning aytishicha, O‘zbekiston aholisini mobil internet tarmog‘i bilan ta’minlash bo‘yicha rejalashtirilgan ishlarning ayrimlari amalga oshirildi. Jumladan:
- 2020-yilda 19 ming kilometr optik tolali aloqa liniyalari qurildi;
- 2020-yil 1-dekabr holati bo‘yicha 7 ming 150 ta xalq ta’limi, 4 ming 581 ta maktabgacha ta’lim muassasasi va 2 ming 747 ta sog‘liqni saqlash obyektiga jami 12 ming 867 kilometr optik tolali aloqa liniyalari tashkil etilgan va yuqori tezlikdagi internet tarmog‘iga ulanish imkoniyati yaratilgan;
- transport tarmog‘ining o‘tkazuvchanlik qobiliyati viloyat markazlarigacha 2 barobarga (400 Gbit/sekundgacha), tuman markazlarigacha esa 4 barobarga (40 Gbit/sekundgacha) oshirilgan;
- 2021-yil 1-yanvardan transport kanallarini ijaraga berish xizmati joriy narxi 2 barobarga arzonlashtirilmoqda;
- 2020-yil noyabr oyidan operator va provayderlarga xalqaro paketli kommutatsiya markazi (XPKM) orqali taqdim etiladigan 1 Mbit/s tezlikdagi kanal narxi oldingi tariflarga nisbatan 20 foizga arzonlashtirilib, 45 ming so‘m deb belgilandi.
Mavzuga doir:
- Shaxsni kamsituvchi yolg‘on axborotni internetda tarqatganlarga ma’muriy javobgarlikni belgilash taklif etilmoqda. Amaldagi qonunga ko‘ra jinoiy javobgarlikka tortiladi
- O‘zbekistonda shafqatsizlikni targ‘ib qiluvchi videolarni internetga joylashtirganlar uchun 89 mln so‘mlik jarima joriy etilishi mumkin
Izoh (0)