Республика аҳоли масканларини мобил алоқа билан қамрови даражаси 97 фоизга ва мобил интернет тармоғига кенг полосали уланиш қамрови даражаси 87 фоизга етказилди. Бу ҳақда Ахборот технологиялари ва коммуникацияларини ривожлантириш вазирлиги ахборот хизмати раҳбари Шерзод Аҳматов маълум қилди.
Унинг айтишича, Ўзбекистон аҳолисини мобил интернет тармоғи билан таъминлаш бўйича режалаштирилган ишларнинг айримлари амалга оширилди. Жумладан:
- 2020 йилда 19 минг километр оптик толали алоқа линиялари қурилди;
- 2020 йил 1 декабрь ҳолати бўйича 7 минг 150 та халқ таълими, 4 минг 581 та мактабгача таълим муассасаси ва 2 минг 747 та соғлиқни сақлаш объектига жами 12 минг 867 километр оптик толали алоқа линиялари ташкил этилган ва юқори тезликдаги интернет тармоғига уланиш имконияти яратилган;
- транспорт тармоғининг ўтказувчанлик қобилияти вилоят марказларигача 2 баробарга (400 Гбит/секундгача), туман марказларигача эса 4 баробарга (40 Гбит/секундгача) оширилган;
- 2021 йил 1 январдан транспорт каналларини ижарага бериш хизмати жорий нархи 2 баробарга арзонлаштирилмоқда;
- 2020 йил ноябрь ойидан оператор ва провайдерларга халқаро пакетли коммутация маркази (XПКМ) орқали тақдим этиладиган 1 Мбит/с тезликдаги канал нархи олдинги тарифларга нисбатан 20 фоизга арзонлаштирилиб, 45 минг сўм деб белгиланди.
Мавзуга доир:
Изоҳ (0)