Samarqand viloyati Paxtachi tumanidan o‘tuvchi M-37 xalqaro avtomobil yo‘lida yuz bergan yo‘l-transport hodisasi oqibatida bir kishi vafot etdi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Ma’lum qilinishicha, 2020-yilning 13-dekabr kuni soat 20:00 atrofida Paxtachi tumanidan o‘tgan M-37 xalqaro avtomobil yo‘lining 136-kilometrida Spark avtombili piyodani urib yuborgan. Natijada piyoda og‘ir tan jarohatlari bilan Paxtachi tuman tibbiyot birlashmasiga yotqizilgan, biroq ko‘rsatilgan tibbiy yordamga qaramasdan, mazkur fuqaro kasalxonada vafot etgan.
Aniqlanishicha, mazkur YTHga piyodaning yo‘lni belgilanmagan joydan kesib o‘tgani hamda haydovchining tezlikni oshirgani sabab bo‘lgan.
Mavzuga doir:
- Namanganda MAN va Nexia ishtirokida yuz bergan YTH oqibatida 6 kishi halok bo‘ldi. Ulardan 3 nafari voyaga yetmagan bolalar
- Ishtihonda yo‘lni belgilanmagan joydan kesib o‘tayotgan piyodani urib yuborgan Nexia uning o‘limiga sabab bo‘ldi
- Andijonda Lacetti haydovchisi tuman sababli piyodani urib ketdi. Jabrlanuvchi kasalxonada vafot etdi
Izoh (0)