Bugun,

  • USD 11095.31
  • RUB 173.84
  • EUR 10772.44

Andijonda yil davomida yetishtirilgan giloslar qayta ishlanib, qadoqlanib, Xitoyga eksport qilinadi, deya xabar berdi “Daryo” muxbiri Umidjon Mamarasulov.

Foto: “Daryo”

Foto: “Daryo”

Ma’lum bo‘lishicha, 16-dekabr kuni Andijon viloyati hokimi Shuhrat Abdurahmonov viloyat xalqiga murojaatnomasida bu haqda gapirib o‘tgan.

Ma’lum qilinishicha, viloyatda 2020-yilda jami 156 ming 160 gektar maydonga takroriy ekinlar ekilib, jami 1 million 936 ming tonna mahsulot yetishtirilgan. Jumladan, 388,2 ming tonna meva, 57,3 ming tonna uzum, 1 million 107 ming tonna sabzavot, 142,5 ming tonna poliz, 241 ming tonna kartoshka mahsulotlari yetishtirilgan va eksportga yo‘naltirilgan.

Foto: “Daryo”

Foto: “Daryo”

“12-noyabr kuni O‘zbekiston Respublikasining Xitoy Xalq Respublikasidagi favqulodda va muxtor elchisi Baxtiyor Saidov va Xitoy Xalq Respublikasi hukumati bilan onlayn uchrashuv o‘tkazdik. Uchrashuvda ‘Shanxay xalqaro agrosanoat xolding’ kompaniyasi bilan hamkorlikda yil davomida gilos yetishtirish va uni qayta ishlash, qadoqlash bo‘yicha kelishib oldik. Kelgusi yilda viloyatimizdan Xitoyga gilos eksportini yo‘lga qo‘yamiz. Shuningdek, ‘Szyufan Xunsin’ Pekin transport uskunalari kompaniyasi bilan esa logistika markazi tashkil etish loyihalarini amalga oshirish yuzasidan umumiy qiymati 500 million dollarlik loyihalar bo‘yicha kelishuv shartnomalari imzoladik”, — degan Shuhrat Abdurahmonov viloyat xalqiga qilgan murojaatida.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi