Samarqand viloyati Ishtixon tumanida Matiz va Nexia avtomobillari qarama-qarshi yo‘nalishda harakatlanib, bir-biriga to‘qnashishi oqibatida yo‘l-transport hodisasi sodir bo‘ldi. Bu haqda Ichki ishlar vazirligi Yo‘l harakati xavfsizligi bosh boshqarmasi xabar berdi.
Ishtixon tumanidan o‘tuvchi 4N-555 avtomobil yo‘lining 7-kilometrida 6-dekabr kuni Nexia va Matiz avtomobillari ishtirokida YTH sodir bo‘lgan. Ma’lum bo‘lishicha, ikkala transport vositasi katta tezlikda bir-birining yo‘liga chiqib ketgan va yuzma-yuz to‘qnashuv sodir bo‘lgan.
Natijada Matiz haydovchisi hodisa joyida vafot etgan. Nexia salonida bo‘lgan yo‘lovchi og‘ir tan jarohatlari bilan kasalxonaga yotqizilgan.
Izoh (0)