Buyuk Britaniya Sog‘liqni saqlash milliy xizmatining Xayriya tashkiloti (NHS Charities Together) shifokorlar jonlantirish bo‘limida Santa-Klausga yordam ko‘rsatayotgani aks etgan videorolik uchun uzr so‘radi, deb yozadi Meduza.
Video NHS’ning rasmiy YouTube kanaliga dekabr boshida joylangan edi. Lavhaning boshida koronavirusga chalingan qariya jonlantirish bo‘limiga tushib qoladi. Shifokorlar uning hayotini saqlab qoladi, shundan keyin ularning nazorati ostida cholning sog‘lig‘i kasalxona koykasida qayta tiklanadi, shu bilan bir vaqtda u juda ko‘p sonli xatlarga javob yozadi. Video oxirida qariyaga kasalxonadan javob beriladi, shifokorlardan biri esa Yangi yilni kutib olish uchun uyiga keladi. U tabriknoma yozilgan maktubni o‘qib, shu paytgacha u Santa-Klausni davolaganini tushunib yetadi.
Rolik YouTube foydalanuvchilari tomonidan keskin tanqidga uchradi, ular Santaning jonlantirish bo‘limidagi holati bolalarni qo‘rqitib yuborishi mumkin, degan fikrni bildirdi. “Mutlaqo jirkanch. Dahshatli xatolik. Bolalar shusiz ham ko‘p qiyinchiliklar ko‘rdi. Uyalmaysizmi?” — deyiladi videoga yozilgan eng ommabop izohlardan birida.
Oxir-oqibat Sog‘liqni saqlash milliy xizmati uni o‘z kanalidan o‘chirib tashladi. U yerdagilar ta’kidlashicha, video kattalar auditoriyasi uchun mo‘ljallangan bo‘lib, bolalar ko‘rishi ehtimoli katta bo‘lgan televideniye orqali namoyish qilinmagan. Farzandlari “reklamani ko‘rganidan keyin xafa bo‘lgan” ota-onalardan tashkilot uzr so‘radi.
Mavzuga doir:
- Germaniyada yuzlab Santa Klauslar bayramga bag‘ishlangan yugurish musobaqasida ishtirok etdi (video)
- AQShda Santa-Klauslar koronavirus sabab bolalardan “berkinmoqda”. Bolalarga ularning tizzasiga o‘tirish taqiqlangan (video)
- Belgiya vaziri Santa Klausga 2020-yil og‘ir o‘tganligi haqida xat yozdi va bolalarga sovg‘a ulashish uchun karantinni yumshatishga ruxsat berdi
Izoh (0)