Internet foydalanuvchilari Rossiya prezidenti Vladimir Putin Sochi va Moskva viloyatidagi ikkita turli qarorgohida bir xil kabinetlar qurdirganini muhokama qilmoqda. Kreml ushbu ma’lumotni tasdiqlamagan bo‘lsa-da, internetda “10 ta farqni toping” o‘yini ommalashib ketdi, deb xabar beradi Hi-Tech.Mail.ru.
Ko‘plab o‘xshash jihatlar bitta suratda taqqoslansa, u quyidagicha ko‘rinish oladi:
Ayrimlar eshik yaqinidagi “viklyuchatel”ning joylashuvi orasidagi farqqa e’tibor qaratgan. Birinchi suratda u deyarli o‘rtada joylashgan, ikkinchisida esa chaproqqa — devor tomonga surilganini ko‘rish mumkin.
Shuningdek, foydalanuvchilar chap burchakdagi ikkita panjaraga e’tibor qaratgan — suratda ular taqqoslash qulay bo‘lishi uchun doiraga olingan. Taxminlarga ko‘ra, bu kabi konstruksiyadan dinamik yoki havo tozalagich sifatida foydalanish mumkin. Ikkinchi skrinshotdan panjara yo‘q.
Bundan tashqari, eshikdagi oshiq-moshiqqa chiziqlar bilan ajratilgan. Suratni kattalashtirib, ularning o‘lchami turlichaligini payqash mumkin.
Shuningdek, bayroqdagi nomutanosibliklar ham e’tibordan chetta qolmagan.
Noodatiy o‘yin ijtimoiy tarmoqlarda “Proyekt” nashri tomonidan Putinning ikkala qarorgohidagi kabinetlari ham “konspiratsiya” sabab bir xil jihozlangani to‘g‘risida e’lon qilgan maqolasidan so‘ng, paydo bo‘ldi. Keyinroq prezident matbuot kotibi Dmitriy Peskov bu noto‘g‘ri ekanligi aytib, ma’lumotlarni “axborot hujumi” deb ta’riflagan.
Izoh (0)