Namangan va Surxondaryo viloyatlari qurilish bosh boshqarmalari rahbarlari o‘zgardi

Namangan va Surxondaryo viloyatlari qurilish bosh boshqarmalari rahbarlari o‘zgardi, deya xabar qilmoqda Qurilish vazirligi.

Hukumatning qaroriga asosan, Saidahmad Sultonov boshqa ishga o‘tishi munosabati bilan Namangan viloyati qurilish bosh boshqarmasining boshlig‘i lavozimidan ozod qilindi.

Avval xabar berganimizdek, Saidahmad Sultanov Namangan viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari etib tayinlandi.

Kamoliddin Eshmatov Surxondaryo viloyati qurilish bosh boshqarmasining boshlig‘i etib tayinlandi.

Qayd etilishicha, ushbu lavozimda ishlab kelgan Alisher Salohiddinov o‘z vazifasidan ozod qilingan.

Avvalroq Mirishkorda chilim chekkan bog‘cha opalar ishdan olingani, Navoiyda ta’lim sifati past bo‘lgan 26 ta maktab direktorlari ishdan olingani hamda Toshkentda YPX xodimini kaltaklagan ikki sudya lavozimidan ozod qilingani haqida xabar berilgandi.